Sol lema “Nin recortes, nin privilexos" convócase una concentración la tarde de la entrega de los gallardones
Una asamblea de trabayadores de los servicios públicos y d'empreses en
conflictu, activistes sociales, estudiantes y docentes, militantes
feministes y ecoloxistes, toos ellos pertenecientes a estremaos
coleutivos, movimientos y sindicatos, axuntáronse esta selmana y
alcordaron per unanimidá llamar a la movilización el día de la entrega
de los Premios Príncipe d'Asturies, y tamién la xornada anterior, na
qu'un pasucais escontra los recortes sociales va percorrer les cais
d'Uviéu. Pa la tarde na que se cellebra la ceremonia tienen previsto
concentrase a les 18h na Plaza de la Escandalera col lema “Nin recortes,
nin privilexos”, señalando que munchos de los integrantes de les élites
económiques y polítiques causantes de la crisis van tar el día 26 nel
Teatru Campoamor. Pa los convocantes nun momentu nel que los servicios
públicos tán siendo dinamitados, y asístese a un retrocesu de los
derechos democráticos, sociales, llaborales, medioambientales y de les
muyeres, ye imprescindible que la ciudadanía salga a la cai pa torgar
que se peracaben estos proyectos que nos conducen a una sociedá más
inxusta y desigual, asina como menos llibre y democrática. Los
convocantes piden al Delegáu de Gobiernu que cumpla coles sos
obligaciones, y sía lo más escrupulosu y estrictu nel cumplimientu de la
llegalidá y del derechu ciudadanu a la llibertá d'espresión.
No hay comentarios:
Publicar un comentario